ໃນຕອນເຊົ້າຂອງວັນທີ 06 ພະຈິກ 2014 ອົງການກວດສອບແຫ່ງລັດໄດ້ຈັດພິທີປະກາດແຕ່ງຕັ້ງຫົວໜ້າຫ້ອງການ ແລະ ສັບຊ້ອນພະນັກງານຂັ້ນ ຫົວໜ້າກົມໄປຮັບໜ້າທີ່ໃໝ່ພາຍໃນອົງການກວດສອບແຫ່ງລັດ ເຊິ່ງພິທີ ດັ່ງກ່າວໄດ້ຈັດຂື້ນທີ່ຫ້ອງປະຊຸມໃຫຍ່ ຊັ້ນ IV ຂອງອົງການກວດສອບແຫ່ງລັດ ແລະ ໃຫ້ກຽດເປັນປະທານພິທີ ໂດຍທ່ານ ດຣ. ນ. ວຽງທອງ ສີພັນດອນ ຄະນະພັກສະພາແຫ່ງຊາດ, ເລຂາຄະນະພັກຮາກຖານ ປະທານອົງການ ກວດສອບແຫ່ງ ລັດ, ເຊິ່ງຂື້ນຜ່ານຂໍ້ຕົກລົງຂອງ ທ່ານປະທານອົງການກວດ ສອບແຫ່ງລັດໂດຍທ່ານ ອຳໄພວັນ ພັນທະວົງ ຫົວໜ້າກົມຈັດຕັ້ງ-ພະນັກງານມີດັ່ງນີ້:

  •  ຂໍ້ຕົກລົງສະບັບເລກທີ 1040/ອກສລ, ລົງວັນທີ 05 ພະຈິກ 2014 ວ່າດ້ວຍການສັບຊ້ອນ ທ່ານ ບຸນເລີດ ເທບວົງສາ ຫົວໜ້າກົມກວດ ສອບອົງການຈັດຕັ້ງລັດ ໄປຮັບໜ້າທີ່ໃໝ່ເປັນຫົວໜ້າຫ້ອງການອົງການກວດ ສອບແຫ່ງລັດ.
  • ຂໍ້ຕົກລົງສະບັບເລກທີ 1041/ອກສລ, ລົງວັນທີ 05 ພະຈິກ 2014 ວ່າດ້ວຍການແຕ່ງຕັ້ງ ແລະ ສັບຊ້ອນ ທ່ານ ບົວເງິນ ຈັນທະບູລີ ຮັກສາການຫົວ ໜ້າຫ້ອງການ ໄປຮັບໜ້າທີ່ໃໝ່ເປັນຫົວໜ້າສູນຝຶກອົບຮົມ.
  • ຂໍ້ຕົກລົງສະບັບເລກທີ 1042/ອກສລ, ລົງວັນທີ 05 ພະຈິກ 2014 ວ່າດ້ວຍການ ສັບຊ້ອນ ທ່ານ ວົງພະກອນ ໄຊສິດທິເດຊ໌ ຫົວໜ້າສູນຝຶກອົບຮົມ ໄປຮັບໜ້າທີ່ໃໝ່ ເປັນຮັກສາການຫົວໜ້າກົມກວດ ສອບອົງການຈັດຕັ້ງລັດ.

  • ພິທີດັ່ງກ່າວໄດ້ມີບັນດາຫົວໜ້າອົງການກວດສອບປະຈຳພາກ, ບັນດາທ່ານຕາງໜ້າ ຄະນະຈັດຕັ້ງສູນກາງພັກ, ຫົວໜ້າກົມຈັດຕັ້ງ-ພະນັກງານສະ ພາແຫ່ງຊາດ, ຫົວນ້າກົມຈັດຕັ້ງ-ພະນັກງານກະຊວງພາຍໃນ, ຫົວໜ້າກົມຈັດ ຕັ້ງ-ພະນັກງານຫ້ອງວ່າການ ລັດຖະບານ, ມີບັນດາພະ ນັກງານຂັ້ນຫົວໜ້າກົມ, ຮອງຫົວໜ້າກົມ, ຫົວໜ້າສູນຝຶກອົບ ຮົມ ແລະ ມີພະນັກງານຫຼັກແຫຼ່ງພາຍໃນອົງການກວດສອບແຫ່ງລັດ ແລະ ອົງການກວດ ສອບປະຈຳພາກກາງງເຂົ້າ ຮ່ວມຢ່າງພ້ອມພຽງ ພາຍຫຼັງປະກາດ ສັບຊ້ນພະນັກງານຂັ້ນກົມແລ້ວ ພາຍໃນພິທີຍັງໄດ້ຮັບຟັງບົດໂອ້ລົມ ຈາກທ່ານປະທານ ອົງການກວດສອບແຫ່ງລັດ ຕໍ່ພະນັກງານພາຍໃນອົງການກວດສອບແຫ່ງລັດ ນັ້ນກໍຄືພະນັກງານທີ່ໄດ້ສັບປ່ຽນໜ້າທີ່ ໃໝ່ ເພື່ອເຮັດໃຫ້ການ ຈັດຕັ້ງປະຕິບັດໜ້າທີ່ວຽກງານ ໃຫ້ທັນກັບສະພາບການເຄື່ອນໄຫວຂອງວຽກງານໃນປະຈຸບັນ ນັ້ນກໍຄືການປັບປຸງໃຫ້ແທດເໝາະກັບໜ້າທີ່ການເມືອງ ແລະ ວິຊາສະເພາະໃນໄລຍະໃໝ່, ພ້ອມກັນບຸກໜ້າ, ບຸກບືນຕົວ, ສຸມສະຕິປັນຍາ, ກຳລັງວັງຊາເຂົ້າໃນການຊີ້ນຳ-ນຳພາ ແລະ ຈັດຕັ້ງປະຕິບັດ ໜ້າທີ່ວຽກ ງານໃຫ້ໄດ້ຮັບຜົນ ສຳເລັດເປັນຢ່າງດີ ເປັນເຈົ້າການໃນການຈັດຕັ້ງປະຕິບັດລະບຽບກົດໝາຍຢ່າງເຂັ້ມງວດ ແລະ ສ້າງສະຕິຕື່ນຕົວ ໃຫ້ສັງຄົມ ໄດ້ມີຄວາມຮັບຜິດຊອບຢ່າງຕັ້ງໜ້າ ເພື່ອເຮັດໃຫ້ອົງການ ກວດສອບແຫ່ງລັດມີການເຕີບ ໃຫຍ່ຂະຫຍາຍຕົວ ໄປເທື່ອລະກ້າວ ພ້ອມກັນນັ້ນ, ທ່ານຍັງໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ຍາດມາໄດ້ໃນໄລຍະຜ່ານມາ

ຄົ້ນຫາ

Login Form

Month