ໃນຕ່ອນເຊົ້າເວລາ 08:30 ໃນວັນທີ 06 ພະຈິກ 2017 ທີ່ຫ້ອງປະຊຸມໃຫຍ່ຂອງໂຮງແຮມແລນມາກ ນະຄອນຫຼວງວຽງຈັນ, ໄດ້ເປີດກອງປະຊຸມອາຊຽນຊາຍຄັ້ງທີ 04 ທີ່ອົງການກວດສອບແຫ່ງລັດ ສປປ ລາວ ເປັນເຈົ້າພາບ, ຕາງໜ້າລັດຖະບານລາວໂດຍການເຂົ້າຮ່ວມງານເປີດຂອງ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ໄດ້ໃຫ້ກຽດກ່າວມີຄຳເຫັນຕໍ່ກອງປະຊຸມຢ່າງເປັນທາງການ, ເຊິ່ງທ່ານໄດ້ຍົກໃຫ້ເຫັນຄວາມໝາຍຄວາມສຳຄັນ ແລະ ບົດບາດຂອງວຽກງານການກວດສອບແຫ່ງລັດ ຕໍ່ກັບການພັດທະນາເສດຖະກິດ-ສັງຄົມ ຂອງແຕ່ລະປະເທດສະມາຊິກກໍ່ຄືໃນກອບການພັດທະນາ    ອາຊຽນ ເວົ້າລວມ. ທ່ານຮອງນາຍົກລັດຖະມົນຕີ ຍັງໄດ້ຮຽກຮ້ອງໃຫ້ບັນດາປະເທດອາຊຽນຊາຍ ຮ່ວມມືກັນຢ່າງກົມກຽວ ແລະ ພ້ອມກັນແກ້ໄຂຈຸດຄົງຄ້າງຮ່ວມກັນແນ່ໃສ່ ຮັບປະກັນໃຫ້ເສດຖະກິດ-ສັງຄົມ ມີການຂະຫຍາຍຕົວຢ່າງຕໍ່ເນື່ອງ ແລະ ໝັ້ນທ່ຽງ. ພ້ອມດຽວກັນນັ້ນ ກ່ໍຕ້ອງຮັກສາຄວາມສາມັກຄີໃຫ້ແໜ້ນແຟ້ນ, ເອົາໃຈໃສ່ ສ້າງຄວາມເຂັ້ມແຂງໃຫ້ແກ່ວຽກງານກວດສອບ  ໃຫ້ສາມາດປະຕິບັດຕາມມາດຕະຖານການກວດສອບ ທີ່ໄດ້ກຳນົດໄວ້.
ຜົນສຳເລັດຂອງກອງປະຊຸມສຸດຍອດອາຊຽນຊາຍຄັ້ງທີ 4 ທີ່ອົງການກວດສອບແຫ່ງລັດ

ບັນດາຜູ້ແທນ ແລະ ແຂກຖືກເຊີນເຂົ້າຮ່ວມກອງປະຊຸມໄດ້ຈັດເປັນ 2 ລະດັບ ຄື: ຜູ້ແທນເຂົ້າຮ່ວມງານເປີດກອງປະຊຸມທາງການ ແລະ ຜູ້ແທນເຂົ້າຮ່ວມ ກອງປະຊຸມສຸດຍອດອາຊຽນຊາຍຄັ້ງທີ 4 ລາຍລະອຽດເຂົ້າຮ່ວມໃນພິທີເປີດກອງປະຊຸມ ປະກອບມີ ປະທານ, ຫົວໜ້າສະຖາບັນກວດສອບສູງສຸດບັນດາ ປະເທດອາຊຽນ, ຜູ້ຕາງໜ້າຈາກ ສະຖານເອກອັກຄະລັດຖະທູດ ຂອງບັນດາປະເທດອາຊຽນ ແລະ ປະເທດອື່ນໆ ປະຈຳ ສປປ ລາວ, ຮອງເລຂາທິການອາຊຽນ, ສະຫະພັນສະຖາບັນກວດສອບສູງສຸດອາຊີ (ອາໂຊຊາຍ), ສະຖາບັນກວດສອບສູງສຸດຂອງບັນດາປະເທດເອີຣົບ ຈຳນວນໜຶ່ງ, ບັນດາອົງການຈັດຕັ້ງສາກົນ, ຕາງໜ້າຈາກກະຊວງການຕ່າງປະເທດ, ຄະນະນຳ ແລະ ພະນັກງານອົງການກວດສອບແຫ່ງລັດ.

ຜົນສຳເລັດຂອງກອງປະຊຸມສຸດຍອດອາຊຽນຊາຍຄັ້ງທີ 4 ທີ່ອົງການກວດສອບແຫ່ງລັດ

ກອງປະຊຸມສຸດຍອດອາຊຽນຊາຍຄັ້ງທີ 04 ໄດ້ໄຂຂຶ້ນໂດຍການເປັນປະທານຂອງ ທ່ານ ນາງ ຊົມ ກິມ ຊົວ ຫົວໜ້າອົງການກວດສອບແຫ່ງ ຣາຊາອານາຈັກ ກຳປູເຈຍ ໃນຖານະເປັນປະທານອາຊຽນຊາຍ ໄດ້ກ່າວເປີດກອງປະຊຸມຢ່າງເປັນທາງການ ແລະ ເປັນຜູ້ດຳເນີນກອງປະຊຸມ, ໄດ້ຮັບຟັງການລາຍງານ ຜົນການຈັດຕັ້ງປະຕິບັດວຽກງານໃນໄລຍະສົກປີ 2015-2017. ຂອງບັນດາຄະນະກຳມະການ, ຫ້ອງການບໍລິຫານ ແລະ ກອງເລຂາອາຊຽນຊາຍດັ່ງນີ້:
- ຄະນະກຳມະການແຜນຍຸດທະສາດແມ່ນສຳເລັດການປັບປຸງ ແລະ ເລີ່ມນຳໃຊ້ລະບົບຕິດຕາມ ແລະ ປະເມີນຜົນການຈັດຕັ້ງປະຕິບັດແຜນຍຸດທະສາດອາຊຽນຊາຍ ຄັ້ງທີ 06 ຊຶ່ງຜົນຂອງການນຳ ໃຊ້ລະບົບດັ່ງກ່າວແມ່ນຊ່ວຍໃນການເກັບກຳຂໍ້ມູນຊ່ວຍໃນການວິເຄາະເຖິງປະສິດພາບ, ປະສິດທິ ຜົນໃນການຈັດກິດຈະກຳຕ່າງໆ ຂອງອາຊຽນຊາຍ.
- ຄະນະກຳມະການລະບຽບ ແລະ ຂັ້ນຕອນການປະຕິບັດໄດ້ທົບທວນຄືນ ແລະ ປັບປຸງລະບຽບ ການຂັ້ນຕອນການປະຕິບັດງານຂອງອາຊຽນຊາຍ ເພື່ອໃຫ້ສອດຄ່ອງກັບການປັບປຸງຂໍ້ຕົກລົງວ່າ ດ້ວຍການຕັ້ງອາຊຽນຊາຍ ທີ່ບັນດາສະມາຊິກອາຊຽນຊາຍ ໄດ້ເຊັນໃນສະບັບປັບປຸງໃໝ່ໃນວັນທີ 08 ທັນວາ 2016 ເຊິ່ງລະບຽບການ ແລະ ຂັ້ນຕອນການປະຕິບັດງານຂອງອາຊຽນຊາຍ ສະບັບປັບປຸງໃໝ່ແມ່ນໄດ້ຮັບຮອງໃນກອງປະຊຸມສຸດຍອດອາຊຽນຊາຍ ຄັ້ງທີ 04.
- ຄະນະກຳມະການແລກປ່ຽນຄວາມຮູ້ແມ່ນສຳເລັດຂອງການຈັດຕັ້ງປະຕິບັດໂຄງການມາດຕະຖານສາກົນ ຂອງສະຖາບັນກວດສອບສູງສຸດ ທັງໝົດ 04 ໄລຍະ ໃນປີ 2016 ແລະ 03 ໄລຍະໃນປີ 2017 ໂດຍມີອົງການກວດສອບປະເທດຟີລິບປິນ ເປັນຜູ້ນຳພາຈັດຕັ້ງປະຕິບັດ ແລະ ອົງການກວດ ສອບປະເທດມາເລເຊຍ ເປັນຜູ້ຊ່ວຍ.
- ຄະນະກຳມະການຝຶກອົບຮົມແມ່ນສຳເລັດການການຈັດຝຶກອົບຮົມຕາມແຜນ, ຊຶ່ງຮູບແບບການຝຶກອົບຮົມມີທັງການເດີນທາງໄປຝຶກອົບຮົມ ແລະ ການຝຶກອົບຮົມ ຜ່ານທາງລະບົບອອນລາຍເພື່ອ ເປັນການຍົກລະດັບຄວາມສາມາດໃນຂົງເຂດການກວດສອບພາກລັດ ໃຫ້ແກ່ບັນດາສະມາຊິກອາຊຽນຊາຍທັງໝົດ.
 - ຫ້ອງການບໍລິຫານອາຊຽນຊາຍ ໄດ້ລາຍງານການຈັດຕັ້ງວຽກງານໃນໄລຍະສົກປີ 2015-2017 ທີ່ຜ່ານມາໂດຍປະສານສົມທົບກັບກອງເລຂາອາຊຽນຊາຍ ເພື່ອຊ່ວຍຈັດຕັ້ງປະຕິບັດບັນດາວຽກບໍລິຫານໂດຍລວມຂອງຄະນະກຳມະການບໍລິຫານອາຊຽນຊາຍ.
 - ກອງເລຂາອາຊຽນຊາຍໄດ້ລາຍງານກ່ຽວກັບການຈັດຕັ້ງປະຕິບັດວຽກງານໃນໄລຍະສົກປີ 2015-2017 ເປັນຕົ້ນແມ່ນການປະຕິບັດພາລະບົດບາດໃນການ ຊ່ວຍວຽກປະທານ ແລະ ຮອງປະທານອາຊຽນຊາຍ ໂດຍປະສານສົມທົບ ແລະ ເຮັດວຽກຮ່ວມກັບຫ້ອງການບໍລິຫານອາຊຽນຊາຍ.
        ການຮັບຮອງເອົາການປັບປຸງລະບຽບການ ແລະ ຂັ້ນຕອນການປະຕິບັດຂອງອາຊຽນຊາຍ, ການແຕ່ງຕັ້ງ ແລະ ຮັບຮອງເອົາກອງເລຂາອາຊຽນຊາຍ.
      ການແຕ່ງຕັ້ງປະທານ ແລະ ຮອງປະທານອາຊຽນຊາຍຊຸດໃໝ່ໂດຍແມ່ນອົງການກວດສອບແຫ່ງລັດ ສປປ ລາວ ເປັນປະທານອາຊຽນຊາຍ ແລະ ອົງການກວດສອບປະເທດມາເລເຊຍ ເປັນຮອງປະທານອາຊຽນຊາຍ ໃນໄລະຍະສົກປີ 2018-2019 ແລະ ໄດ້ມີພິທີມອບ-ຮັບ ຕຳແໜ່ງປະທານອາຊຽນຊາຍ ຢ່າງເປັນທາງການ.

ຜົນສຳເລັດຂອງກອງປະຊຸມສຸດຍອດອາຊຽນຊາຍຄັ້ງທີ 4 ທີ່ອົງການກວດສອບແຫ່ງລັດ

ກອງປະຊຸມສຸດຍອດອາຊຽນຊາຍຄັ້ງທີ 04 ໄດ້ດຳເນີນວາລະທີ 02 ໂດຍການເປັນປະທານ ຂອງ ທ່ານ ປະລິນຍາເອກ ນາງ ວຽງທອງ ສີພັນດອນ ປະທານ ອົງການກວດສອບແຫ່ງລັດ ສປປ ລາວ ໃນນາມເປັນປະທານອາຊຽນຊາຍຄົນໃໝ່ ແລະ ໄດ້ກ່າວເປີດກອງປະຊຸມສຸດຍອດອາຊຽນຊາຍຄັ້ງທີ 04. ກອງປະຊຸມໄດ້ຮັບຟັງການສະເໜີແຜນການເຄື່ອນໄຫວຂອງພາກສ່ວນຕ່າງໆເຊັ່ນ: ຄະນະບໍລິຫານງານ, ຄະນະກຳມະການແຜນຍຸດທະສາດ, ຄະນະກຳມະການລະບຽບການ, ຄະນະກຳມະການ ແລກປ່ຽນຄວາມຮູ້, ຄະນະກຳມະການຝຶກອົບຮົມ, ກອງເລຂາອາຊຽນຊາຍ ແລະ ຫ້ອງການບໍລິຫານ. ກອງປະຊຸມໄດ້ຮັບຮອງເອົາແຜນຍຸທະສາດ ຂອງອາຊຽນຊາຍ ໄລຍະປີ 2018-2021. ແລະ ແຕ່ງຕັ້ງ 04 ຄະນະກຳມະການ ເຊິ່ງປະທານຂອງແຕ່ລະກຳມະການ ສຳລັບໄລຍະປີ 2018-2019 ດັ່ງນີ້:
- ສະຖາບັນກວດສອບສູງສຸດ ສສ ຫວຽດນາມ ເປັນປະທານ ຄະນະກຳມະການແຜນຍຸດທະສາດ.
- ສະຖາບັນກວດສອບສູງສຸດ ປະເທດສິງກະໂປ ເປັນປະທານ ຄະນະກຳມະການລະບຽບການ.
- ສະຖານບັນກວດສອບສູງສຸດ ປະເທດມາເລເຊຍ ເປັນປະທານ ຄະນະກຳມະການແລກປ່ຽນ ຄວາມຮູ້.
- ສະຖາບັນກວດສອບສູງສຸດ ປະເທດຟິລິບປິນ ເປັນປະທານ ຄະນະກຳມະການຝຶກອົບຮົມ.

ນອກຈາກນັ້ນ, ກອງປະຊຸມຍັງໄດ້ ແຕ່ງຕັ້ງສຳນັກງານກວດເງິນແຜ່ນດິນ ປະເທດໄທ ເປັນຜູ້ກວດ ສອບເອກະສານລາຍງານການເງິນ ຂອງອາຊຽນຊາຍ ປະຈຳປີ 2016 ແລະ 2017.

ຜົນສຳເລັດຂອງກອງປະຊຸມສຸດຍອດອາຊຽນຊາຍຄັ້ງທີ 4 ທີ່ອົງການກວດສອບແຫ່ງລັດ

ຜົນສຳເລັດຂອງກອງປະຊຸມອາຊຽນຊາຍຄັ້ງທີ 4 ທີ່ ອົງການກວດສອບແຫ່ງລັດ ສປປ ລາວ ເປັນ ເຈົ້າພາບ.
ໂດຍປະຕິບັດຕາມການຕົກລົງເຫັນດີຈາກກະຊວງການຕ່າງປະເທດ ສະບັບເລກ ທີ 03347/ຕປທ, ລົງວັນທີ 29 ພຶດສະພາ2017 ກ່ຽວກັບການເປັນເຈົ້າພາບ ແລະ ປະທານກອງປະຊຸມສຸດຍອດ ບັນ ດາປະເທດສະມາຊິກ ສະຫະພັນສະຖາບັນກວດສອບສູງ ສຸດ ອາຊີຕາເວັນອອກສ່ຽງໃຕ້ ຄັ້ງທີ 4 ສາ ມາດຕີລາຄາດັ່ງນີ້:


ຜົນສຳເລັດ
1. ກອງປະຊຸມໄດ້ດຳເນີນດ້ວຍຜົນສຳເລັດຕາມຈຸດປະສົງ ແລະ ລະດັບຄາດໝາຍໂດຍ ອົງການກວດສອບແຫ່ງລັດ ສປປ ລາວ ໄດ້ຮັບການແຕ່ງຕັ້ງເປັນປະທານ ອາຊຽນຊາຍ 2018-2019.
2. ກອງປະຊຸມໃນຄັ້ງນີ້ໄດ້ຮັບບົດຮຽນອັນຍິ່ງໃຫຍ່ໃນການເປັນປະທານອາຊຽນຊາຍ ຢ່າງຮອບ ດ້ານ.
3. ໄດ້ຮັບຄວາມຊົມເຊີຍຈາກບັນດາຜູ້ແທນທີ່ເຂົ້າຮ່ວມຕໍ່ກັບການຈັດງານ, ການຕ້ອນຮັບ, ການ ເປັນເຈົ້າພາບທີ່ດີ, ການອຳນວຍຄວາມສະດວກຕ່າງໆ.
4. ໄດ້ເຜີຍແຜ່ ແລະ ນຳພາຜູ້ແທນທ່ຽວຊົມສະຖານທີ່ວັດທະນະທຳຕ່າງໆໃນນະຄອນຫຼວງວຽງຈັນ.
5. ອົງການກວດສອບແຫ່ງລັດ ສປປ ລາວ ມີຄວາມພົ້ນເດັ່ນຂຶ້ນຕື່ມໃນເວທີພາກພື້ນ ແລະ ສາກົນ.



ການເປັນປະທານອາຊຽນຊາຍ ສຳລັບໄລຍະປີ 2018-2019.
1. ອົງການກວດສອບແຫ່ງລັດ ສປປ ລາວ ໄດ້ຖືກສ້າງຕັ້ງໃນວັນທີ 05 ສິງຫາ 1998, ຮອດປີ 2011 ອາຊຽນຊາຍໄດ້ຖືກສ້າງຕັ້ງຂຶ້ນໃນເງື່ອນໄຂການຈັດກອງ ປະຊຸມ ແລະ ການເປັນປະທານອາຊຽນຊາຍ.
2. ອົງການກວດສອບແຫ່ງລັດ ໃນນາມເປັນປະທານອາຊຽນຊາຍ ສຳລັບໄລຍະປີ 2018 ຫາປີ 2019 ມີຄວາມພາກພູມໃຈ ແລະ ເປັນກຽດຢ່າງຍິ່ງທີ່ໄດ້ຍົກສູງ ບົດບາດສະຖາບັນກວດສອບສູງສຸດ ສປປ ລາວ ໃນເວທີພາກພື້ນກໍ່ຄືສາກົນ, ໂດຍສະເພາະໃນເວທີອາໂຊຊາຍ ແລະ ອິນໂຕຊາຍ, ເຊິ່ງຄວາມສຳຄັນຂອງວຽກງານ ກວດສອບເຮັດໃຫ້ສັງຄົມ, ການຈັດຕັ້ງລັດ, ເອກະຊົນ ແລະ ປະຊາຊົນຮັບຮູ້ ແລະ ເຂົ້າໃຈເຖິງຄວາມໂປ່ງໃສຂອງການຄຸ້ມຄອງບໍລິຫານເສດຖະກິດ-ສັງຄົມ, ງົບປະມານ-ເງິນຕາແຫ່ງຊາດ ຂອງລັດຖະບານ, ແນໃສ່ສະກັດກັ້ນປະກົດການຫຍໍ້ທໍ້ ແລະ ຕ້ານການສໍ້ລາດບັງຫຼວງ ໃນລະບົບການເງິນ-ງົບປະມານແຫ່ງລັດ ໃນຕໍ່ ໜ້າໃຫ້ສາມາດຫັນວຽກງານກວດສອບໃຫ້ກາຍເປັນມືອາຊີບ ແລະ ທັນສະໄໝເທື່ອລະກ້າວ, ເປັນການປະກອບສ່ວນຮັບປະກັນໃຫ້ການຄຸ້ມຄອງລັດ, ຄຸ້ມຄອງສັງຄົມ ໃຫ້ເປັນໄປຕາມລະບຽບ, ກົດໝາຍແນໃສ່ສ້າງລັດ ໃຫ້ມີຄວາມຮັບຜິດຊອບຫຼາຍຂຶ້ນ.
3. ການຮັບໜ້າທີ່ເປັນປະທານອາຊຽນຊາຍໃນໄລຍະ 2 ປີຕໍ່ໜ້ານີ້ ແມ່ນພາລະໜ້າທີ່ສຳຄັນ ຂອງອົງການກວດສອບແຫ່ງລັດ ເຊິ່ງສະແດງໃຫ້ເຫັນເຖິງຄວາມ ເຊື່ອໝັ້ນໄວ້ວາງໃຈໃນການນຳພາວຽກງານກວດສອບໃນກອບບັນດາປະເທດອາຊຽນ, ບັນດາຫຼັກການເສີມສ້າງຄວາມ ເຂັ້ມແຂງວຽກງານກວດສອບເຂົ້າໃນການ ບໍລິຫານລັດທີ່ມີຄວາມເຂັ້ມແຂງ ແລະ ໂປ່ງໃສ, ລັດຖະບານຈະສາມາດຕ້ານປະກົດການຫຍໍ້ທໍ້ໃນການຄຸ້ມຄອງງົບປະມານຂອງລັດ, ຮັບປະກັນໃຫ້ແກ່ການ ພັດທະນາທີ່ມີຄວາມຍືນຍົງ ແລະ ແກ້ໄຂຄວາມແຕກໂຕນລະຫວ່າງຕົວເມືອງ ແລະ ຊົນນະບົດ, ພ້ອມນີ້ກໍ່ມີສິ່ງທ້າທາຍຕໍ່ກັບປະສົບການ, ແຕ່ເຖິງຢ່າງໃດກໍ່ຕາມ ດ້ວຍຄວາມຕັດສິນໃຈຂອງຄະນະນຳ, ພະນັກງານ-ລັດຖະກອນ ຂອງອົງການກວດສອບແຫ່ງລັດ ດວ້ຍຄວາມໃກ້ຊິດຂອງຂັ້ນເທິງ ແລະ ການຮ່ວມມືຈາກພາກສ່ວນ ຕ່າງໆທັງພາຍໃນ ແລະ ຕ່າງປະເທດຈະຊ່ວຍໃຫ້ ອົງການກວດສອບແຫ່ງລັດ ໃນນາມເປັນປະທານອາຊຽນຊາຍ ຈະສາມາດບັນລຸຕາມຈຸດປະສົງ ແລະ ລະດັບ ຄາດໝາຍ.
ການຈັດຕັ້ງປະຕິບັດຕາມແຜນຍຸດທະສາດຄື:
- ການສະໜັບສະໜູນການຈັດຕັ້ງປະຕິບັດມາດຕະຖານການກວດສອບສາກົນອີຊາຍ ແລະ ການປົກຄອງທີ່ດີຂອງອິນຊາຍ.
- ການສະໜັບສະໜູນການຈັດຕັ້ງປະຕິບັດທີ່ດີຂອງສະມາຊິກອາຊຽນຊາຍ.
- ການສະໜັບສະໜູນສະມາຊິກອາຊຽນຊາຍ ເພື່ອໃຫ້ມີບົດບາດໃນການບັນລຸເປົ້າໝາຍພັດ ທະນາແບບຍືນຍົງ.
- ສ້າງຄວາມເຂັ້ມແຂງບົດບາດຂອງອາຊຽນຊາຍ ພາຍໃຕ້ແຜນງານຂອງອາຊຽນ.
- ປັບປຸງການຮ່ວມມືລະດັບພາກພື້ນ ແລະ ສາກົນ.
- ສ້າງຄວາມເຂັ້ມແຂງການປົກຄອງອົງການຈັດຕັ້ງຂອງອາຊຽນຊາຍ.
ຮຽກຮ້ອງໃຫ້ມີການປະສານຢ່າງກົມກຽວ ລະຫວ່າງທຸກພາກສ່ວນມີຄວາມເຂົ້າໃຈ, ຮັບຮູ້ເຖິງວຽກ ງານກວດສອບໃນລະດັບທີ່ແນ່ນອນ, ເຫັນໄດ້ຄວາມສຳຄັນ ຂອງວຽກງານກວດສອບເພື່ອບັນລຸບັນດານະໂຍບາຍຂອງລັດຖະບານ ແລະ ມີງົບປະມານທີ່ພຽງພໍໃນການຈັດຕັ້ງປະຕິບັດແຜນການ ໃນປີ 2018 ແລະ ປີ 2019.

ຜົນສຳເລັດຂອງກອງປະຊຸມສຸດຍອດອາຊຽນຊາຍຄັ້ງທີ 4 ທີ່ອົງການກວດສອບແຫ່ງລັດ

ແຜນການທິດທາງການເຄື່ອນໄຫວວຽກງານຂອງອາຊຽນຊາຍໃນຕໍ່ໜ້າ
ອາຊຽນຊາຍ ໄດ້ມີການຮັບຮອງແຜນຍຸດທະສາດຂອງຕົນສຳລັບໄລຍະປີ 2018-2021 ໂດຍໄດ້ກຳນົດແຜນງານ, ໂຄງການທີ່ເປັນບູລິມະສິດຂອງຕົນເພື່ອໃຫ້ ສາມາດບັນລຸໄດ້ຕາມເປົ້າໝາຍທີ່ໄດ້ກຳນົດໄວ້ ເຊິ່ງປະກອບດວ້ຍບັນດາເປົ້າໝາຍຕ່າງໆຄື: (1) ສົ່ງເສີມການຈັດຕັ້ງປະຕິບັດຕາມມາດຕະຖານກວດສອບສາກົນ ແລະ ບົດແນະນຳຂອງ ອິນໂຕຊາຍ, (2) ສົ່ງເສີມການປະຕິບັດງານທີ່ດີຂອງສະມາຊິກ ສະຖາບັນກວດສອບສູງສຸດ, (3) ສົ່ງເສີມການສ້າງຂີດຄວາມສາມາດ ໃຫ້ບັນດາສະມາຊິກຂອງອາຊຽນຊາຍເພື່ອບັນລຸແຜນພັດທະນາແບບຍືນຍົງ, (4) ເພີ່ມທະວີການຈັດຕັ້ງປະຕິບັດກິດຈະກຳຂອງອາຊຽນຊາຍ ທີ່ຕິດພັນກັບກອບການ ພັດທະນາລວມຂອງອາຊຽນ, (5) ປັບປຸງການຮ່ວມມືກັບອົງການຈັດຕັ້ງ ແລະ ຄູ່ຮ່ວມພັດທະນາ ໃນພາກພື້ນ ແລະ ສາກົນ, (6) ປັບປຸງກົງຈັກການບໍລິຫານ ຂອງອາຊຽນຊາຍ.

     ບັນດາເປົ້າໝາຍຂ້າງເທິງ, ແຕ່ລະປະເທດສະມາຊິກອາຊຽນຊາຍ ຈະໄດ້ຜັນຂະຫຍາຍເຂົ້າໃນແຜນວຽກປະຈຳປີຂອງຕົນ ແລະ ຈະໄດ້ມີລະບົບການລາຍງານ ຕໍ່ກອງປະຊຸມຄະນະກຳມະການບໍລິຫານອາຊຽນຊາຍ.


ຄົ້ນຫາ

Login Form

Month