ຄະນະຜູ້ແທນຂັ້ນສູງ ສຳນັກງານຕ້ານການສໍ້ລາດບັງຫຼວງ ແຫ່ງຣາຊະອານາຈັກກຳປູເຈຍ ນຳໂດຍ ທ່ານ ຄຽງ ເຊັງ ຮອງປະທານສຳນັກງານຕ້ານການ ສຳລາດບັງຫຼວງເຂົ້າພົບປະແລກປ່ຽນບົດຮຽນກັບ ອົງການກວດສອບແຫ່ງລັດແຫ່ງ ສປປ ລາວ ໃຫ້ກຽດຕ້ອນຮັບໂດຍ ທ່ານ ປອ ນາງ ວຽງທອງ ສີພັນດອນ ກຳມະການ ສູນກາງພັກ ປະທານອົງການກວດສອບແຫ່ງລັດ, ໃນວັນທີ 6 ມິຖຸນາ 2016.


ທ່ານຮອງປະທານຕ້ານການສໍ້ລາດບັງຫຼວງແຫ່ງຣາຊະອານາຈັກກຳປູເຈຍ ກ່າວວ່າ: ການເຂົ້າພົບ ປະແລກປ່ຽນບົດຮຽນໃນຄັ້ງນີ້ ແມ່ນເປັນການເພີ່ມທະວີສາຍ ພົວພັນຮ່ວມມືລະຫວ່າງ ສຳນັກງການຕ້ານການ ສໍ້ລາດບັງຫຼວງແຫ່ງຣາຊະອານາຈັກກຳປູເຈຍ ກັບ ອົງການກວດສອບແຫ່ງລັດ ແຫ່ງ ສປປ ລາວ, ທັງເປັນ ການສືບຕໍ່ເພີ່ມທະວີການແລກປ່ຽນບົດຮຽນວຽກງານກວດກາລັດ ຂອງສອງປະເທດໃຫ້ສູງຂຶ້ນຢ່າງບໍ່ຢຸດຢັ້ງ. ໂອກາດດຽວກັນ, ທ່ານ ປອ ນາງ ວຽງທອງ ສີພັນດອນ ໄດ້ສະແດງຄວາມຊົມເຊີຍ ແລະ ຕ້ອນຮັບຢ່າງອົບອຸ່ນ ຕໍ່ຄະນະຜູ້ແທນຂັ້ນສູງທີ່ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ. ການເຂົ້າພົບ ແລກປ່ຽນບົດຮຽນໃນຄັ້ງນີ້ ແມ່ນມີຄວາມໝາຍສຳຄັນຢ່າງຍິ່ງໃນການສືບຕໍ່ເພີ່ມທະວີສາຍພົວພັນມິດຕະພາບ ແລະ ການຮ່ວມມືລະຫວ່າງສອງປະເທດ, ປະຊາຊົນ ສອງຊາດລາວ-ກຳປູເຈຍ ເວົ້າລວມ, ເວົ້າສະເພາະການຮ່ວມມືລະຫວ່າງ ອົງການກວດສອບແຫ່ງລັດ ແຫ່ງ ສປປ ລາວ ກັບ ສຳນັກງານຕ້ານການສໍ້ລາດບັງ ຫຼວງແຫ່ງຣາຊະອານາຈັກກຳປູເຈຍ ໃຫ້ມີຄວາມແໜ້ນແຟ້ນຍິ່ງຂຶ້ນ.



ຄົ້ນຫາ

Login Form

Month