ການກວດ​ສອບ ແມ່ນຂະ​ບວນ​ການ​ເຄືຶ່ອນໄຫວ​ເກັບ​ກຳ​ຂໍ້​ມູນ ແລະ ຫຼັກ​ຖານ​ຕົວ​ຈິງ ກ່ຽວ​ກັບ​ເປົ້າ​ໝາຍ ຖືກກວດ​ສອບ ​​​​ເ​ພື່ອ​ຢັ້ງ​ຢືນ​ຄວາມ​ຖືກ​ຕ້ອງ​ຂອງ​ເອ​ກະ​ສານ​ລາຍ​ງານ, ຄວາມ​ສອດ​ຄ່ອງ​ທາງ​ດ້ານລະ​ບຽບ​ກົດ​ ໝາຍ, ປະ​ສິດ​ທິ​ຜົນໃນ​ການຄຸ້ມ​ຄອງ, ການນຳ​ໃຊ້​ທຶນຮອນຂອງ​ຫົວ​ໜ່ວຍ​ງົບ​ປະ​ມານ, ຫົວ​ໜ່ວຍ​ທຸ​ລະ​ກິດ ແລະ ຫົວ​ໜ່ວຍ​ທີ່ບໍ່​ສະ​ແຫວງ​ຫາ​ຜົນກຳ​ໄລ, ປະກອບ​ສ່ວນ​ເຂົ້າ​ໃນ​ການ​ປັບປຸງ​ບູລະນະ​ວຽກ​ງານ​ຄຸ້ມ​ຄອງ​ລັດ, ຄຸ້ມ​ຄອງ​ເສດຖະກິດ​ໃຫ້​ມີ​ຄວາມ​ເຂັ້ມ​ແຂງ, ​ເຮັດ​ໃຫ້​ລະບຽບວິໄນ​ການ​ເງິນ​-ການ​ບັນຊີ​ ​ໄດ້​ຮັບ​ການ​ປະຕິບັດ​ຢ່າງ​ເຂັ້ມ​ງວດ. ເມືຶ່ອ​ເຫັນໄດ້​ຄວາມ​ສຳ​ຄັນຂອງວຽກ​ງານກວດ​ສອບ ມາໃນປີ 1998 ລັ​ດຖະບານ ແຫ່ງ ສປປ ລາວ ຈຶ່ງໄດ້ສ້າງຕັ້ງອົງການກວດສອບ​ບັນ​ຊີແຫ່ງລັດຂຶ້ນ ເພື່ອປະຕິບັດໜ້າທີ່​ບົດບາດຕິດຕາມ​ກວດ​ສອບ ຕໍ່ບັນດາ​ກະຊວງ, ອົງການ​ທຽບ​ເທົ່າ, ​ແຂວງ, ນະຄອນຫລວງ, ​ຫົວໜ່ວຍງົບປະມານ, ຫົວໜ່ວຍທຸລະ​ກິດ ​ແລະ​ ຫົວ ໜ່ວຍທີ່​ບໍ່ສະແຫວ​ງຫາ​ຜົນ​ກຳໄລ​ ​​ເຄື່ອນ​ໄຫວ​​​ຖືກຕ້ອງ​ຕາມ​ລະບຽບກົດໝາຍ, ມີປະສິດທິພາບ, ປະສິດທິຜົນ, ປະຢັດ, ສະກັດກັ້ນປະກົດການຫຍໍ້ທໍ້ທາງດ້ານການເງິນ ແລະ ການ ໃຊ້ງົບປະມານແຫ່ງລັດ,​ ຮັບປະກັນ​ບົດ ບາດ​ການ​​ຄຸ້ມ​ຄອງ​ລັດ, ຄຸ້ມ​ຄ​ອງ​ເສດ​ຖະກິດໃຫ້​ມີ​ຄວາມ​ເຂ້ັມ​ແຂງ, ​ໂ​ປ່ງ​ໃສ, ສົ່ງ​ເສີມ​ໄດ້​ການ​ລົງທຶນ​ພາຍ​ໃນ ແລະ ຕ່າງປະ​ເທດ ພ້ອມ​ທັງ​ຊຸກຍູ້​ການ​ພັດທະນາ​ເສດ​ຖະກິດ-ສັງຄົມ ​​ໃຫ້​ນັບ​ມື້ຂະຫຍາ​ຍຕົວ ​ແລະ ໝັ້ນຄົງ. ​ ເມື່ອທຽບໃສ່ກັບຫລາຍປະເທດ ​ໃນ​ພາກພື້ນ ແລະ ສາກົນ ອົງການກວດສອບແຫ່ງລັດ ສປປ ລາວ ແມ່ນຍັງໃໝ່ ບົດຮຽນ, ພຶດຕິກຳໃນການກວດສອບບໍ່ທັນ​ມີ​ຫລາຍ ​ແຕ່​ຜ່ານ​ຈາກການ​​ຝຶກ​ອົບ​ຮົມ ແລະ ເຄື່ອນ​ໄຫວ​ກວດ​ສອບຕົວ​ຈິງ 10 ກວ່າປີຜ່ານມານີ້ ຈຶ່ງເຮັດໃຫ້ອົງການກວດສອບແຫ່ງລັດ ສປປ ລາວ ໄດ້ພັດທະນາ​ຕົນເອງ​ຢ່າງ​ຕໍ່​ເນືອ່ງ ສາ​ມາດ​ຍາດ​ໄດ້​ຜົນສຳ​ເລັດ​ໃນຫຼາຍໆ​ດ້ານ, ​ເຮັດໃຫ້ເປົ້າໝາຍຖືກກວດສອບ, ອົງການ​ຈັດຕັ້ງຕ່າງໆ ມີ​ຄວາມ​ເຊື່ອໝັ້ນ ແລະ ຍອມຮັບຄຸນນະພາບ​ຜົນ​ຂອງການກວດສອບ. ຄວາມ​ເປັນ​ມາຂອງ ອົງ​ການກວດ​ສອບ​ແຫ່​ງ​ລັດ ອົງການ​ກວດ​ສອບ​ບັນຊີ​ແຫ່ງ​ລັດ ສ້າງ​ຂຶ້ນຕາມ​ດຳລັດ​ຂອງ​ນາຍົກລັດຖະມົນຕີ ສະບັບເລກທີ 174/ນຍ, ລົງ​ວັນ​ທີ 5 ສິງຫາ 1998 ວ່າ​ດ້ວຍ​ການຈັດ​ຕັ້ງ ​ແລະ ​ເຄື່ອນ​ໄຫວ​ຂອງ​ອົງການ​ກວດ​ສອບ​ບັນຊີ​ແຫ່ງ​ລັດ ສັງກັດ​ຢູ່​ໃນ​ໂຄງ​ປະກອບ​ກົງຈັກ​ການຈັດຕັ້ງຂອງ​ລັດ​ຖະບານ ມີ​ຖານະ​ເປັນ​ສະ​ຖາ​ບັນ​ກວດ​ສອບ​ບັນຊີ​ສູງ​ສຸດ​ຂອງ ສປປ ລາວ ຂຶ້ນ​ໂດຍກົງກັບນາຍົກລັດຖະມົນຕີ​, ​ເປັນ​ເສນາ​ທິການ​ໃຫ້​ລັດຖະບານ ໃນການກວດສອບ ບັນຊີ ແລະ ຢັ້ງຢືນຄວາມຖືກຕ້ອງ, ທ່ຽງທຳ ພາວະວິໃສຂອງເອກະສານ ແລະ ຕົວເລກບັນຊີຂອງບັນດາກະ ຊວງ, ຄະນະກຳມະການ, ອົງການຈັດຕັ້ງທຽບເທົ່າກະຊວງ, ແຂວງ, ກຳແພງນະຄອນ, ເຂດພິເສດ, ເມືອງ, ທະນາຄານຂອງລັດ, ວິສາຫະກິດຂອງລັດ, ວິສາຫະກິດປະສົມລັດເອກະຊົນ ແລະ ອົງການຈັດຕັ້ງອື່ນໆ ທີ່ນຳ ໃຊ້ງົບປະມານຂອງລັດ ແລະ ນຳໃຊ້ເງິນກູ້​ຈາກທະນາຄານຂອງລັດໃນທຸກສ່ວນ ຫຼື ໃນສ່ວນໃດສ່ວນໜຶ່ງ ໃນ ການເຄື່ອນໄຫວວຽກງານຂອງຕົນ, ແນໃສ່ແນະນຳໃຫ້ ບັນດາອົງການຈັດຕັ້ງດັ່ງກ່າວ ເຫັນໄດ້ບັນດາຈຸດດີ, ຈຸດ ອ່ອນ ແລະ ຂໍ້ບົກຜ່ອງໃນການເຄື່ອນໄຫວວຽກງານຂອງຕົນ ແລະ ເຫັນໄດ້ທິດທາງແຫ່ງການເພີ່ມທະວີປະ ສິດທິພາບ, ການປະຢັດ ແລະ ຄວາມສັກສິດໃນການປະຕິບັດໜ້າທີ່ວຽກງານ. ໂຄງ​ປະກອບການຈັດຕັ້ງຂອງ​ອົງການ​ກວດ​ສອບ​ບັນຊີ​ແຫ່ງ ​ລັດ ມີ​ຫົວໜ້າ 1 ທ່ານ ແລະ ຮອງຫົວໜ້າ 1 ທ່ານ, ຫົວໜ້າອົງການກວດສອບບັນຊີແຫ່ງລັດ ມີ​ຖານະຕຳແໜ່ງທຽບ​ເທົ່າ​ລັດຖະມົນຕີ ໂດຍແມ່ນປະທານ ປະເທດເປັນຜູ້ແຕ່ງຕັ້ງ ຕາມການສະເໜີຂອງນາຍົກລັດຖະມົນຕີ ແລະ ໂດຍຜ່ານການຮັບຮອງຂອງສະພາ ແຫ່ງຊາດ, ຫົວ​ໜ້​າ​ອົງ​ການກວດ​ສອບ​ບັນຊີ​ແຫ່​ງ​ລັດ​ຮັບ​ຜິດ​ຊອບ​ຕໍ່​ນາ​ຍົກ​ລັດ​ຖະ​ ມົນຕີ​ໂດຍ​ກົງ​ກ່ຽວ​ກັບ​ທຸກໆ​ການເຄືຶ່ອນ​ໄຫວ​ວຽກ​ງານກວດ​ສອບ​ບັນຊີ. ຜ່ານການຈັດຕັ້ງ ແລະ ເຄື່ອນໄຫວ ຕາມດຳລັດ​ເລກທີ 174/ນຍ, ລົງ​ວັນ​ທີ 5 ສິງຫາ 1998 ເຫັນວ່າ​ສະພາບ​ແວດ​ລ້ອມທາງ​ດ້ານ​ເສດຖະກິດ​-ສັງຄົມ ນັບ​ທັງ​ພາຍ​ໃນ ແລະ ​ຕ່າງປະ​ເທດ​ ມີ​ການປ່ຽນແປງ ເຊິ່ງມີ​ທັງ​ຂໍ້​ສະດວກ​, ຂໍ້​ຫຍຸ້ງຍາກ ​ທີ່​ເປັນ​ອຸປະສັກ​ສົ່ງ​ຜົນ​ກະທົບຕໍ່ການກວດສອບ. ດັ່ງນັ້ນ ເພື່ອ​ເຮັດ​ໃຫ້ການເຄື່ອນ ໄຫວວຽກງານກວດສອບບັນຊີແຫ່ງລັດ ​ແທດ​ເໝາະ​ກັບ​ສະພາບ​ການ​ຕົວ​ຈິງ ​ໃນໄລຍະ​ທີ່ມີການປ່ຽນແປງໃໝ່ ນາຍົກລັດຖະມົນຕີ ຈຶ່ງໄດ້​ອອກດຳລັດ ​ເລກທີ 24/ນຍ, ລົງ​ວັນ​ທີ 25 ກຸມພາ 2004 ປ່ຽນ​ແທນ​ດຳລັດ​ເລກທີ 174/ນຍ, ລົງ​ວັນ​ທີ 5 ສິງຫາ 1998. ດຳລັດ​ເລກທີ 24/ນຍ, ລົງ​ວັນ​ທີ 25 ກຸມພາ 2004 ວ່າດ້ວຍການຈັດຕັ້ງ ແລະ ການເຄື່ອນໄຫວ ຂອງອົງການກວດສອບບັນຊີແຫ່ງລັດ ​ເປັນ​ສະ​ຖາ​ບັນ​ກວດ​ສອບ​ບັນຊີ​ສູງ​ສຸດ​ແຫ່ງ ສປປ ລາວ, ສັງກັດ​ຢູ່​ໃນ​ໂຄງ​ປະກອບ​ກົງຈັກ​ການຈັດ​ຕັ້ງ​ຂອງ​ສຳນັກງານ​ນາຍົກລັດຖະມົນຕີ ແລະ ມີພາລະບົດບາດເປັນ​ເສນາ​ທິການ​ໃຫ້​ແກ່​ນາຍົກລັດຖະມົນຕີ ແລະ ລັດຖະບານໃນ​ການກວດ​ສອບ ​ແລະ ຢັ້ງຢືນ​ຄວາມ​ຖືກຕ້ອງ​ຕາມ​ກົດ​ໝາຍ​ ຂອງ​ບົດສະຫຼຸບ​ການປະຕິບັດ​ແຜນ​ງົບປະມານ​ແຫ່ງ​ລັດ ປະຈຳປີ ຢູ່ໃນການຈັດຕັ້ງລັດຂັ້ນຕ່າງໆ ໃນຂອບເຂດ ທົ່ວປະເທດ, ກວດສອບບົດສະຫຼຸບບັນຊີການເງິນ ຂອງບັນດາການຈັດຕັ້ງ ແລະ ໂຄງການລົງທຶນ ທີ່ນຳໃຊ້ງົບ ປະມານຂອງລັດ, ນຳໃຊ້ເງິນກູ້ຢືມ ແລະ ເງິນຊ່ວຍເຫຼືອລ້າຈາກພາຍໃນ ແລະ ຕ່າງປະເທດ, ກວດສອບລັກ ສະນະຄວາມເຂ້ັມງວດກວດຂັນ ຂອງການປະຕິບັດລະບຽບກົດໝາຍ ແລະ ລັກສະນະປະສິດທິຜົນທາງດ້ານ ເສດຖະກິດ ຂອງການຄຸ້ມຄອງ, ການນຳໃຊ້ງົບປະມານ ແລະ ຊັບສົມບັດລວມຂອງລັດ. ເພື່ອຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ VII (2011-2015) ຂອງ ລັດຖະບານ ໃຫ້ປະກົດຜົນເປັນຈິງ ອົງການກວດສອບແຫ່ງລັດ ຕ້ອງເພີ່ມທະວີພາລະບົດບາດຂອງຕົນ ໃນ ການກວດສອບ ການນຳໃຊ້ງົບປະມານຢູ່ໃນບັນດາອົງການສິດອຳນາດແຫ່ງລັດ ໃຫ້ເປັນປົກກະຕິ ທັງເປັນ ເຈົ້າການໃນການຄົ້ນຄ້ວາ ແລະ ນຳສະເໜີວິທີການແກ້ໄຂຜົນການກວດສອບ ແກ່ລັດຖະບານໃຫ້ທັນກັບສະ ພາບການ. ດັ່ງນັ້ນ ອົງການກວດສອບແຫ່ງລັດ ຈຶ່ງໄດ້ສະເໜີ ປັບປຸງກົດໝາຍວ່າດວ້ຍການກວດສອບ ສະບັບ​ເລກທີ 05/ສພຊ ລົງ​ວັນ​ທີ 3 ກໍລະ​ກົດ 2007 ຄືນໃໝ່ໃນບາງມາດຕາທີ່ເຫັນວ່າບໍ່ທັນຊັດເຈນ, ຮັດກຸມ ແລະ ຄົບຖວ້ນ. ​ຊຶ່ງຢູ່ໃນກອງ​ປະຊຸມ​ສະ​ໄໝ​ສາມັນ​ເທື່ອ​ທີ 3 ຂອງ​ສະພາ​ແຫ່ງ​ຊາດ ຊຸດ​ທີ VII ຈຶ່ງໄດ້ຮັບຮອງ​ເອົາກົດ ໝາຍ ວ່າ​ດ້ວຍ​ການກວດ​ສອບ​ແຫ່ງ​ລັດ ສະບັບ​ເລກທີ 16/ສພຊ, ລົງ​ວັນ​ທີ 6 ກໍລະກົດ 2012 ທີ່ໄດ້ການນົດຫຼັກ ການ, ລະບຽບການ ແລະ ມາດຕະການ ກ່ຽວກັບການກວດສອບ​ແຫ່ງ​ລັດ ​ເພື່ອ​​ເຮັດ​ໃຫ້​ຫົວໜ່ວຍງົບປະມານ, ຫົວໜ່ວຍທຸລະ​ກິດ ​ແລະ​ ຫົວໜ່ວຍທີ່​ບໍ່ສະແຫວ​ງຫາ​ຜົນ​ກຳໄລ​ ​ເຄື່ອນ​ໄຫວ​​ຖືກຕ້ອງ​ຕາມ​ລະບຽບກົດໝາຍ, ມີປະສິດທິພາບ, ປະສິດທິຜົນ, ປະຢັດ, ແນໃສ່ສະກັດກັ້ນຕ້ານປາກົດການຫຍໍ້ທໍ້ທາງດ້ານການເງິນ ແລະ ງົບປະມານແຫ່ງລັດ, ປະກອບສ່ວນເຮັດໃຫ້ການຄຸ້ມຄອງລັດ, ຄຸ້ມຄອງເສດຖະກິດ ມີຄວາມເຂັ້ມແຂງ, ໂປ່ງ ໃສ, ສົ່ງເສີມການລົງທຶນພາຍໃນ ແລະ ຕ່າງປະເທດ, ຊຸກຍູ້ການພັດທະນາເສດຖະກິດ​-ສັງຄົມ ໃຫ້ຂະຫຍາຍ ຕົວ ແລະ ໝັ້ນຄົງ. - ອົງການກວດສອບປະຈຳພາກ ແມ່ນ​ການຈັດຕັ້ງກວດ​ສອບ​ຂັ້ນທ້ອງຖິ່ນ ທີ່ຂຶ້ນກັບອົງການກວດສອບ ແຫ່ງລັດ, ດຳເນີນການກວດສອບບັນດາການຈັດຕັ້ງ ທີ່ຕັ້ງຢູ່ໃນພື້ນທີ່ຂອງພາກ ແລະ ກວດສອບເປົ້າ ໝາຍ ອື່ນໆ ຕາມການມອບໝາຍຂອງປະທານອົງການກວດສອບແຫ່ງລັດ ປະກອບມີ: 4 ພະແນກ​ວິຊາ​ການ ແລະ 1 ຫ້ອງການ ຜົນສຳເລັດ ໃນໄລຍະ 13 ປີ ທີ່ຜ່ານມາຂອງອົງການກວດສອບແຫ່ງລັດ ຜູ້ສັ່ງການ ແຕ່ລະຂັ້ນຂອງ​ບັß​ດາ​ຫົວ​ໜ່ວຍ​ງົບ​ປະ​ມານ ເຫັນໄດ້ຄວາມສຳຄັນຂອງວຽກງານກວດສອບ ແມ່ນ​ໜຶ່ງ​ໃນ​ມາດຕະຖານ​ແຫ່ງ​ການ​ຄວບ​ຄຸມ​ການ​ປະ​ພຶດ, ການ​ເຄື່ອນ​ໄຫວ​ຂອງ​ພະນັກງານ ແລະ ອົງການຈັດ​ຕັ້ງ​ທາງ​ສັງຄົມ. ຜ່ານ​ການກວດ​ສອບ​ຈະ​ສ່ອງ​ແສງ​ໃຫ້ເຫັນ​ຂໍ້​ມູນ​ຂ່າວສານ ​ທີ່ຈຳ​ເປັນ​ໃນ​ການ​ເຄື່ອນໄຫວ​ຂອງ​ ພະນັກງານ ແລະ ອົງ ການ​ຈັດ​ຕັ້ງ​ສັງ​ຄົມ, ຖ້າ​ມີ​ການກວດ​ສອບ​ຈຶ່ງ​ຮູ້ ແລະ ກຳ​ໄດ້​ສະພາບ​ການຈັດ​ຕັ້ງ​ນຳພາ, ການ​ປະຕິບັດ​ມະຕິ​ຄຳ​ສັ່ງ, ລະບຽບ​ກົດໝາຍ​ຂອງ​ລັດ​ເຂົ້າ​ສູ່​ຊີວິດ​ສັງຄົມ, ພ້ອມ​ທັງ​ຮູ້​ຂໍ້ຜິດພາດ, ສິ່ງ​ບໍ່ຖືກຕ້ອງທີ່ຄວນ​ໄດ້​ຮັບ​ການ​ແກ້​ໄຂ​, ຖ້າ​ມີ​ການກວດ​ສອບ​ຢູ່​ເລື້ອຍໆ ກໍຈະ​ເຮັດ​ໃຫ້​ຄວາມ​ສາມັກຄີ​ເປັນ​ເອກະ​ພາບ​ພາຍ​ໃນ​​ແໜ້ນ​ແຟ້ນ, ​ທັງ ເປັນ​ການ​ກະຕຸກ​ຊຸກ​ຍູ້​ຄວາມ​ຈູບ​ຈ້າວຫ້າວຫັນຂອງ​ເປົ້າ​ໝາຍ​​ທີ່​ຖືກ​ກວດ​ ສອບ, ​ເປີດ​ກວ້າງ​ຄວາມ​ອາດ​ສາມາດ​ບົ່ມ​ຊ້ອນ ຊຶ່ງ​ເປັນ​ທ່າ​ແຮງ​ຂອງ​ພະນັກງານ, ຊ່ວຍ​ແກ້​ໄຂ​ຂໍ້​ຂາດ​ຕົກ​ບົກຜ່ອງພາຍ​ໃນ​ອົງການ​ຈັດ​ຕັ້ງ​​ໃຫ້ດີ​ຂຶ້ນ ກວ່າ​ເກົ່າ. ອົງການ​ກວດ​ສອບ​ແຫ່ງ​ລັດ ​ໄດ້​ປະຕິບັດ​ພາລະ​ບົດບາດ, ສິດ ​ແລະ ໜ້າ​ທີ່​ຂອງ​ຕົນ​ດ້ວຍຄວາມ​ຕັ້ງ​ໜ້າ​ໃນ​ການ​ຕິດຕາມ​ກວດກາ ຊຸກ​ຍູ້​ໃຫ້​ບັນດາ​ອົງການ​ຈັດ​ຕັ້ງ​ຂອງ​ລັດ, ອົງການຈັດ​ຕັ້ງ​ສັງຄົມ ​ແລະ ອົງການ​ອື່ນໆ​ ທີ່​ນຳ​ໃຊ້​ງົບ​ປະມານ​ແຫ່ງ​ລັດ ​ໃຫ້​ມີ​ຄວາມ​ໂປ່​ງ​ໃສ, ປະສິດທິ​ຜົນ​ສູງ. ພາຍຫຼັງສະຖາປະນາ ສປປ ລາວ ໃນວັນທີ 2 ທັນວາ 1975 ເຄື່ອງມືທີ່ໃຊ້ເຂົ້າໃນການເຄື່ອນໄຫວ ດ້ານການຄຸ້ມຄອງລັດ, ຄຸ້ມຄອງເສດຖະກິດ-ສັງຄົມ ແມ່ນອົງການຈັດຕັ້ງ ທີ່ເຮັດໜ້າທີ່ຕິດຕາມກວດກາການ ປົກປ້ອງກົດໝາຍ ຊຶ່ງມັນເກີດຂຶ້ນມາຈາກທາດແທ້ຂອງລະບອບການເມືອງ ຫຼື ລະບອບເສດຖະກິດຂອງລັດ. ໄປຄຽງຄູ່ກັບການຂະຫຍາຍຕົວ ຂອງລະບົບອົງການຈັດຕັ້ງກວດກາ, ກວດການ ແລະ ບັນດາອົງການ ປົກປ້ອງກົດໝາຍ, ລັດຖະບານແຫ່ງ ສປປ ລາວ ເຫັນໄດ້ຄວາມສຳຄັນທີ່ຈຳເປັນຕ້ອງສ້າງຕັ້ງອົງການກວດ ສອບແຫ່ງລັດຂຶ້ນ ເພື່ອເຮັດໜ້າທີ່ກວດສອບການນຳໃຊ້ງົບປະມານຂອງລັດ ໃຫ້ຖືກຕ້ອງຕາມລະບຽບກົດ ໝາຍ ແນໃສ່ສະກັດກັ້ນປະກົດການຫຍໍ້ທໍ້ທາງດ້ານການເງິນ, ງົບປະມານແຫ່ງລັດ ເວົ້າລວມ, ເວົ້າສະເພາະ ຖ້າອົງການກວດສອບແຫ່ງລັດ ສາມາດປະຕິບັດພາລະບົດບາດຂອງຕົນໄດ້ດີເທົ່າໃດ ກໍ່ຈະເປັນການປະກອບ ສ່ວນອັນສຳຄັນໃຫ້ແກ່ການພັດທະນາເສດຖະກິດ-ສັງຄົມ ເຮັດໃຫ້ການຄຸ້ມຄອງລັດ, ຄຸ້ມຄອງເສດຖະກິດ ຢູ່ ປະເທດເຮົາໃຫ້ຂະຫຍາຍຕົວໄວ, ເຮັດໃຫ້ຄາດໝາຍສູ້ຊົນໃນການແກ້ໄຂຄວາມທຸກຍາກ ແລະ ດ້ອຍພັດທະ ນາ ຂອງປະເທດເຮົາກາຍເປັນຮູບປະທຳ ພ້ອມດຽວກັນນັ້ນ ກໍ່ເປັນການປະກອບສ່ວນເຂົ້າໃນການສ້າງຄວາມ ໂປ່ງໃສ ໃນອົງການລັດຂອງພວກເຮົາ ເຮັດໃຫ້ອຳນາດລັດ ເປັນຂອງປະຊາຊົນ ໂດຍປະຊາຊົນ ແລະ ເພື່ອ ປະຊາຊົນ ຢ່າງແທ້ຈິງ.

 

ຂໍ້ຕົກລົງວ່າດ້ວຍການຈັດຕັ້ງ ແລະ ການເຄື່ອນໄຫວ ຂອງອົງການກວດສອບແຫ່່ງລັດ

ດາວໂຫຼດ

ຄົ້ນຫາ

Login Form

Month